Kuiatxoekin egindako socca

“Socca” Frantzia hegoaldeko espezialitate bat da, hain zuzen Nizakoa. Garbantzo irinarekin egindako galleta haundi baten forma du, pizza labean errea da eta gehienetan, egin orduko zatitzen da eta aperitifan lagun artean jaten trago batekin... Leiendak dio Nizako arrantzaleek socca jan ohi zutela itsasoa hartu baino lehen... Populu xumearen jaki sinbolikoa da. Soccaren erretzeko manera da errezetaren parte teknikoena. Labe oso bero batean sartu behar da 5mn eta ondotik “grill” moduan doi bat xigortu. Emaitza hau lortzeko helburuarekin: kurruskatzen duen goiko geriza lehorrago bat eta azpiko parte bigun bat. Errezeta honetan, soccaren errezeta tradizionala oinarritzat hartua da, baina guarnizioak itxura gastronomikoago bat emaiten dio. Udarako errezeta egokia da! Gazta freskoak, limoiak eta barazki marinatuek freskura asko ekartzen dute. Horrez gain, soccaren gainean kuiatxoen ipintzerakoan, borobilduta eta lore sorta baten moduan ipniz, socca oso estetikoa bilaka arazten du. Kuiatxoekin egina baldin bada ere, beste barazki batzu erabili daitezke...